ሚያዚያ 28 ቀን 2ዐዐ2 ዓ.ም.

የኢትዮጵያ ብሔራዊ ምርጫ ቦርድ ግንቦት 15 ቀን 2ዐዐ2 ዓ.ም. አገራችን በለአራተኛ ጊዜ የሚካሄደውን ምርጫ አፈፃፀም በተመለከተ ለመከላከያ ሠራዊት እና ለከፍተኛ ትምህርት ተቋማት የምርጫ አስተባባሪዎች ሥልጠና መስጠት ተጀመረ፡፡

የቦርዱ ሰብሰቢ ክቡር ፕሮፌሰር መርጋ በቃና 140 ለሚሆኑ የሥልጠናው ተሳታፊዎች እንደገለፁት በዛሬ እለት የሚጀምረውና በተከታታይ ለሦስት ቀናት በሚሰጠው ሥልጠና ላይ በዋነኛነት በድምፅ አሰጣጥ፣ ዝግጅት እና በድምፅ መስጫው ዕለት የድምፅ አሰጣጥ ሂደት የሚከናወኑ ዋና ዋና ተግባራትን በተመለከተ በምርጫ ጣቢያ እና በምርጫ ክልል ደረጃ በማሳያ የተደገፈ፣ ዓለም አቀፍ ተቀባይነት ያለው አሠራርን ከሀገራችን የምርጫ አሠራር ጋር በማነፃፀር በምርጫ አፈፃፀምና በውጤት አገላለፅ፣የሰነድና ቁሣቁስ  አጠቃቀምን፣ የተመደበ በጀት ዝርዝር ና አጠቃቀም እንዲሁም የሂሳብ አያያዝና ሂሳብ ማወራረድ በተመለከተ መነሻ ሐሳቦችን ያከተተ መሆኑን ገልጿል፡፡